Ҡәҙерле ветерандар! Һеҙҙең яҙмыш – бөгөнгө һәм киләһе быуындар өсөн батырлыҡ һәм рух ныҡлығы өлгөһө! Һеҙ беҙгә тыныс тормош, ғүмер, күп милләтле халыҡтар дуҫ йәшәгән Тыуған илебеҙҙе бүләк иттегеҙ. Патриот булыуығыҙ өсөн һеҙгә мең рәхмәт!
Бөгөн беҙҙең эргәлә йәшәгән, бергә эшләгән батырҙар миҫалында йәштәрҙе патриотик рухта тәрбиәләү бик мөһим. Бигерәк тә ауыр һуғыш йылдарында, бөгөнгө
{jcomments on}тыныс тормошта илебеҙ тыныслығы хаҡына үҙ ғүмерен аямай гражданлыҡ бурысын үтәгән, Ватаныбыҙҙы һаҡлаған батырҙарыбыҙҙы онотмайыҡ. Улар миҫалында илебеҙгә, бай тарихыбыҙға хөрмәт һәм һөйөү тәрбиәләйек.
Йәш патриоттарҙы үҫтереүҙә берҙәм булайыҡ, улар - беҙҙең киләсәгебеҙ!
Барығыҙға ла ныҡлы һаулыҡ, уңыштар, именлек теләйбеҙ!
Киләсәктә лә күгебеҙ аяҙ булһын, ҡояш яҡтыһы нурын сәсеп торһон!
Изге теләктәр менән,
Башҡортостан Республикаһының “МИН ПАТРИОТ” гражданлыҡ-тәрбиә төбәк йәмәғәт ойошмаһы.